Pirateo e outros

Nestes días estamos metidos de cabeza no proxecto de investigación dos Piratas, deixando un pouco apartado o libro de texto... Sintoo pero non podemos con todo e o proxecto pareceme máis interesante para estes últimos días de cole.

Xa estabamos coas mans na masa, lendo contos, vendo pelis, aprendendo cancións... cando uns piratas moi coñecidos viñeron a buscarnos para ver na súa clase unha nova webquest sobre Piratas na que o Capitán Cara de Pan poñianos a proba para facer unhas probas que temos que superar para atopar o seu tesoro.

Como vedes, se picades no enlace, coñecimos outros nomes cos que se coñecen os piratas e recordamos as partes do barco (e aprendimos o nome galego de algunhas que xa coñeciamos, por eso no libriño de Piratas aparecen co nome en castelan e en galego) A proba que tiñamos que superar nesta ocasión era construir o noso propio barco pirata, así que hoxe puxémonos mans a obra e a primeira proba está superada! A ver se lle gusta o noso barco o Capitán Cara de Pan!!!

Tamén, como seguro xa vos contaron, o martes veu ao cole un mago moi divertido para festexar de maneira máis especial a pasada celebaración do día das Letras Galegas, que xa trataramos na clase pero non de forma tan máxica. O mago Chrystyan era moi simpático e fixonos reir un montón ademáis de deixarnos coa boca aberta polos trucos que facía!!! Sacaba caixas dun caixón baleiro, facía voar panos dunha man a outra, convertía discos negros en discos de cores... Os nenos e os maiores o pasamos moi ben!! As fotos podedes velas no álbum.

Por último no que levamos de semana, contarvos que agora somos máis na clase porque temos un montón de bolboretas que xa sairon do capullo, eclosionaron, e xa están poñendo ovos para novos gusaniños a primavera vindeira!!!