Semana 12/16 de Maio

Empezamos a semana traballando as comparacións de imaxes e cantidades a través do xogo do dominó. Moitos xa coñecían o método de xogo pero todos o "pillamos" rápido e fumos facendo figuras coas fichas na alfombra.

Como xa ven sendo habitual tamén nesta semana compartimos experiencias cos Pulpis. Neste caso visitamos o seu "museo" no que había unha exposición de obras de arte moi particulares. As observamos, limos os titulos e por último fumos votando cal era a que máis gostaba a cada un e recollendo o voto nun panel. Vos tamén podedes votar dende a casa a través do blog dos Pulpis, pero xa vos adianto que é unha tarefa dificil porque son todos moi bos!!! Chicos sodes uns artistas!!!

Seguimos traballando na decoración do corredor, neste caso cun animaliño moi primaveral, a bolboreta. Para rematar a proposta do caderno tivemos que calcar a metade que faltaba nas fiestras e logo decorala, quedaron moi bonitas verdade??

Como vichedes o xoves, rematamos os nosos colares e colgantes de clan cavernicola. Os colares os rematamos con boliñas de plasti negra e logo insertamos nun cordel os tubiños e as bolas. Era un traballo complicado porque había que estar moi concentrado para facer ben a serie, que non se escapara o fio, e meter só 5 elementos de cada, ósos e pedras de carbón.

Tamén nestes días traballamos no ordenador o xogo "Os vermes da seda" (tedes o enlace ao xogo na páxina do cole). Moitos xa o recordaban do ano pasado pero foi útil para lembrar todas as cousas que sabemos do nosos compañeros de clase (que comen moreira, que fan un capullo, que transformanse en bolboretas...) e mellorar no uso do ordenador; aínda que a algúns non lles fai ningunha falla!!

O sábado foi o Día das Letras Galegas que este ano adicouse a Xosé María Álvarez Blazquez, aínda que nos preferimos chamalo José María Vázquez!!! Para celebralo na clase falamos un pouco del e escoitamos da súa propia voz un dos seus poemas: Ao ver que non tiñas nome. Tras escoitalo propuximos un xogo: averiguar como chamaron finalmente a quen non tiña nome. Nati foi a gañadora do concurso e levou un premio para casa. Logo fixemos unha ficha para recordar o aprendido.

E como o mellor sempre queda para o final chegou o momento da excursión o teatro. Aínda que nos últimos minutos houbo cambios nos planes, e que o tempo non estaba acompañando nada a situación finalmente poidemos acercarnos ao centro civico e ver a función que os compañeiros prepararon durante o curso. Estivo moi simpática e eles o fixeron moi ben, noraboa chicos!!!