Os luns son moi especiais para nós porque como levamos varios días sen vernos contámosnos o que fixemos durante a fin de semana, e ás veces hai sorpresas. Coma esta semana que Laura foi cos seus pais e uns amigos a Santiago e foron pasear polo bosque e atoparon uns "tesouros" que quixeron compartir con todos.

Xa vedes que os "tesouros" eran un montón de froitos do outono, había castañas, noces, bellotas e ata un que non fomos quen de adiviñar que era pero que era moi curioso. Aproveitamos para velos, tocalos e ir familiarizándonos con eles e ademáis para aprender un contrario novo: suave-rugoso. Creo que o entenderon moi ben e deste xeito, de forma directa e relacionado cun tema que lles estaba entusiasmando nese momento, e moito máis doado aprender as cousas.

O resto da semana o adicamos a comezar co libro de Charamuscas que nesta ocasión descubrimos que trataría sobre as casas. Para empezar pensamos un pouco nos diferentes tipos de casas que poden existir, e logo centrámonos en pensar se cada un de nós vivía nunha casa ou nun piso. Moitos o tiñan moi claro e hasta puidemos traballar cos números e as letras xa que foron capaces de dicir o piso e a letra ou o número da casa, pero outros dudaron moito. O final respostaron pero como tampouco tiñamos forma de saber onde vive cada un non houbo moito debate.

A semana foi pasando e cada día estabamos máis cansos, de feito a algún que outro pegáronselle as sabas e tivo que rematar o desaiuno na clase...

O xoves celebramos na clase o cumple de Cristian Varela, que aínda que xa fora o martes non puidemos facelo antes polos nosos horarios, temos a axenda tan apretada... O pasamos moi ben e esperamos que gustáranlle os nosos agasaios. Podedes ver o resto das fotos no álbum dos cumples.


Tamén tivemos tempo de preparar a festa do Magosto, incluso puidemos ver un video que nos prestou Lidia de como recóllense as castañas.
Falando do ordenador, esta semana empezaron a traballar eles sos con algúns programiñas, aínda que, por problemas informáticos, non comezamos a traballar con nosos propios xogos que penso que é o máis interesante.

O venres, como xa sabedes, celebramos a festa do Magosto. Estivo moi ben pero, aínda que penso que case todos as probaron, só algún desfrutou realmente coas castañas mentres que para os demáis era unha oportunidade para xogar no patio.

O que si foi moi bonito foi o poder sacar a nosa primeira foto de familia completa (aínda que esperamos a Hugo para Febreiro) aínda que fora un pouco "porcos" porque usamos os restos das brasas para pintarnos a cara coma auténticos castañas recén pasadas pola lume. Podedes ver máis fotos no álbum do Magosto que iremos completando con fotos dos compañeiros.

Xa para rematar contarvos que temos listo o panel do Círculo e que quedou moi guai, aínda que hai algúns nenos que dedícanse a desfacer o traballo dos demáis. Pero como nós non paramos no noso empeño de aprender e deixar o cole ben decorado a próxima semana faremos o panel do Verde.